Glóey

Glóey eða gloeyverslun.is inniheldur mikinn fróðleik, við reynum að gera góð skil á öllum hönnuðum og sögu verka þeirra.

Mér finnst mun skemmtilegra þegar ég hef lesið mér til um það sem ég er að kaupa til að fá meiri og dýpri skilning á hönnuninni og pælingunni á bakvið verkið, eins og ljós er ekki bara ljós fyrir mér og það sama má segja um motturnar frá Moooi Carpets.

Ég lærði að meta myndlist betur eftir að hafa kynnst listamönnunum og fræðst aðeins um verkin og hvað þau voru að hugsa þegar verkin voru gerð.

Ég sé ekki eftir að hafa hangið mikið hjá mági mínum Guðmundi í Listamönnum og haft þau forréttindi að kynnast mörgum af okkar fremstu listamönnum þar.

Einnig fékk ég mun dýpri skilning á hönnunar ljósum, mottum og húsgögnum þegar ég vann hjá Lumex.

Ég verð ævinlega þakklátur Helga og bræðrum fyrir allan þann fróðleik sem þeir mötuðu í mig á þessum þremur árum sem ég var hjá þeim, þeir fengu mig til að sjá að ljós er ekki bara ljós heldur listaverk.

Látum ljósin lýsa og motturnar fegra.